Fransa gələn il silah istehsalına 16 milyard avro xərcləyəcək
11.10.2024 14:46
2025-ci il Fransa hərbi xərclərini 50,5 milyard avroya çatdırmağı planlaşdırır. Bu barədə ölkənin baş naziri bildirib.
Digər Avropalı NATO üzvlərinin vədlərinə uyğun olaraq, Fransa da müdafiə büdcəsini artırmaq qərarına gəlib. Gələn il Fransa Silahlı Qüvvələrinə xərclərin 50,5 milyard avroya yüksələcəyi gözlənilir.
Fransanın Silahlı Qüvvələr naziri Sebastien Lecornu vurğulayıb ki, 2025-ci il Fransa ordusunun yenidən silahlanması baxımından həlledici olmalıdır - bunun üçün 10,6 milyard avro (artım 16%) nəzərdə tutulub.
Gələn il Fransa ordusu, xüsusən, 14 Rafale qırıcısı və 12 modernləşdirilmiş Mirage 2000-D qırıcısı almalıdır. Sursat istehsalına 16 milyard avro ayrılacaq.
"The New York Times” yazır ki, Fransanın borcu 7,2 trilyon avrodan çox və ya ölkənin ümumi daxili məhsulunun 110%-dən çoxunu təşkil edir. Təkcə borc üzrə faiz ödənişləri bu il 50 milyard avrodan çox başa gəlib və heç bir tədbir görülməsə, 2027-ci ilə qədər 80 milyard avroya yüksələcək. Müqayisə üçün qeyd edək ki, Fransanın bütün müdafiə büdcəsi 47 milyard avrodur.
Aytac
www.anews.az
Foto 
Video 
