Mayotta adasında (Hind okeanında Fransanın xarici ərazisi) doğulmuş əcnəbilərin uşaqlarının torpaq hüququ əsasında Fransa vətəndaşlığı almaq imkanı milli qanunvericilikdən çıxarılacaq.

Bu barədə jurnalistlərə Fransanın daxili işlər naziri Jerald Darmanin məlumat verib.

"Biz Mayottada "torpaq hüququ”nun ləğvini qanunvericilikdə təsbit edəcək radikal bir qərar qəbul etmək niyyətindəyik. Əgər siz fransız valideynlərin övladı deyilsinizsə, artıq fransız olmaq mümkün olmayacaq”, - deyə nazir qeyd edib. 

Onun sözlərinə görə, yaxın vaxtlarda konstitusiyaya müvafiq dəyişiklik edilə bilər.