Fransada terror aktını törətməkdə günahkar bilinən müsəlman qadın - Hayat Boumedien mövzusu gündəmdən düşmür. 

Bugünlərdə İŞİD-in yayım orqanı olan "Dabiq" onun haqqında video-reportaj hazırlayıb. Reportajda terror təşkilatına qoşulması haqqında danışan qadın, bu zaman hər hansı çətinliklə üzləşmədiyini deyib.

ANN.Az CNN-ə istinadən xəbər verir ki, açıqlamasında o, "hər şey çox asan oldu. Allahın qanunlarının keçərli olduğu torpaqlarda yaşamaq çox asandır. Özümü son dərəcə yaxşı hiss edirəm. Çünki məndən istənilən şeyi yerinə yetirdim" - deyib və əlavə edib ki, həyat yoldaşı Koulibalinin islam yolunda mübarizə apararaq cihad etməsindən, Fransadakı terror aktının gerçəkləçməsindən məmnun qalıb: "Fransadakı əməliyyat baş tutmasaydı, özüm nəsə etməli olacaqdım".

Amma video-reportajda terrorçu qadın hazırda harada qaldığına və nə işlə məşğul olduğuna dair heç bir məlumat verməyib.