Meksikada futbolçu matç zamanı ürək tutmasından vəfat edib. Bu barədə Türkiyə mediasından "Hürriyyət” məlumat yayıb.

Meksikanın Oaxaka ştatının Santa Lucia del Camino şəhərində dünən keçirilən həvəskarlar liqasında futbol matçı zamanı oyunçulardan biri qəfil yerə yıxılıb.

Meydanda olan digər futbolçular kömək üçün futbolçunun yanına qaçarkən, həkim briqadaları dərhal meydana daxil olublar. Bütün cəhdlərə baxmayaraq 45 yaşlı Raul Reyesin infarkt keçirərək dünyasını dəyişməsinin qarşısını almaq mümkün olmayıb. Reyesin cəsədi yarılma üçün məhkəmə tibb müəssisəsinə göndərilib.

Oaxaca ştatının Baş Prokurorluğu hadisə ilə bağlı araşdırmalara başlayıb.

"Chapus Perza” futbol komandasının oyunçuları tərəfindən Reyesin kiçik yaşlarından idmançı olduğu və Oaxaca əyalətində həvəskar matçlarda hakimlik etdiyi bildirilib.

Reyesin dostları onun astma xəstəsi olduğunu deyiblər.

Sadiq Cavadov