“Bakı”nın bəzi futbolçularının “Bank Of Azerbaijan” bankına qoyduğu vəsaitin yoxa çıxması ilə bağlı mətbuatda məlumatlar dərc olunub.ANN.Az publika.az-a istinadən xəbər verir ki, bu məlumatlarda “Bakı”nın futbolçuları Əfran İsmayılovun bankda 400, Elvin Əliyevin isə 350 min manat vəsaitinin yoxa çıxdığı bildirilirdi. Futbolçular vəsaitlərini banka depozit kimi qoymaqla əlavə faiz qazanmaq istəsələr də, əllərindəkini də itiriblər.Onlar bunun səbəbini araşdırarkən bəlli olub ki, klubdan futbolçuların adına kredit götürülüb. Krediti isə  depozit kimi qoyulmuş vəsaitdən  çıxıblar. Konkretləşdirsək, sabiq “Texnikabank”ın filiallarında baş verən kredit oyunu burada da təkrarlanıb. Depozit yerləşdirən şəxsin adına kredit xətti açılıb. Vəsiti yoxa çıxan futbolçular “Bakı”nın prezidenti Hafiz Məmmədovla görüşmək istəsələr də, buna nail ola bilməyiblər.Publika.az xəbər verir ki, Elvin Əliyev məlumatı təsdiqləyib. Futbolçu “Komanda” qəzetinə verdiyi müsahibədə bankdan pulunu ala bilmədiyini etiraf edib:“Doğrudur, belə bir şey var. Biz pulumuzu bankdan götürə bilmirik. Öz adımdan danışsam, daha yaxşı olar. Banka müraciət etmişəm. Bilirik ki, Hafiz Məmmədovun maliyyə məsələləri ilə bağlı problemləri var. Bu problem bankdan da yan keçməyib. Gözləməyi məsləhət görüblər. İstənilən halda, pulumu alacam”.ANN.Az