"Məlum olduğu kimi, Türkiyədə baş verən zəlzələdən sonra Bakı-Tbilisi-Ceyhan neft kəmərinin Türkiyə hissəsinin operatoru və Ceyhan terminalı neftin tankerlərə yüklənməsi üzrə əməliyyatları müvəqqəti dayandırıb. Bu əməliyyatlar hərtərəfli nəzərdən keçirildikdən və mümkün zərərin qiymətləndirilməsindən sonra ötən bazar günü bərpa edilib. Biz gözləyirik ki, bu həftənin sonundan - gələn həftə Ceyhan terminalından neftin tankerlərə yüklənməsi əməliyyatları əvvəlki, yəni zəlzələdən əvvəlki rejimə qayıdacaq”, -  Cons cümə günü mətbuat konfransında bildirib.

O qeyd edib ki, Bakı-Tbilisi Ceyhan neft kəmərinin Türkiyədəki obyektlərində, o cümlədən kəmərin özündə, nasos stansiyalarında və digərlərində aparılan yoxlamalar zamanı zəlzələ nəticəsində ciddi dağıntılar aşkar edilməyib.

"Zəlzələdən sonra Bakı-Tbilisi-Ceyhan kəməri ilə Azərbaycandan neft ixracı əməliyyatları dayanmadı. Daşınan neft Ceyhan terminalında çənlərə yüklənib. Zəlzələdən sonra yanalma konstruksiyalarında zədələrin olub-olmadığını yoxlamaq üçün neftin tankerlərə yüklənməsi əməliyyatları müvəqqəti olaraq dayandırılıb”, - deyə Cons bildirib.