Azərbaycan gəncləri Qərbi Azərbaycanlıların səsini beynəlxalq ictimaiətə çatdırmalıdır. Bunu Milli Məclisin sədr müavini, Gənclər və idman komitəsinin sədri Adil Əliyev deyib.
O bildirib ki, bununla bağlı gənclərin üzərinə ciddi məsuliyyət düşür.
"Ermənistan
30 il ərzində sülh danışıqları görüntüsü yaratmaqla, tarixi torpaqlarımızın
işğalını qəbul etdirmək və rəsmiləşdirmək niyyətində idi. Lakin qazandığımız Qələbə
bizi tarixi torpaqlarımıza qovuşdurmaqla bərabər, Ermənistandan deportasiyaya məruz
qalmış azərbaycanlıların doğma torpaqlarına qayıtmasını şərtləndirir. İndi isə hər biriniz soydaşlarımızın
deportasiya olunması ilə bağlı beynəlxalq platformalara yönəlməli, Qərbi Azərbaycanlıların
haqq səsini dünyaya çatdıraraq, qaçqın düşmüş həmvətənlərimizin hüquqlarını təmin
etməli, ictimaiyyətin diqqətini bu sahəyə cəlb etməlisiniz", - komitə sədri dekabrın 6-da Milli Məclisdə "Keçmişdən gələcəyə çağırış: Qərbi Azərbaycana qayıdış fəlsəfəsinə gənclərin baxışı” mövzusunda ictimai dinləmə çıxışında deyib.
Hazırda Milli Məclisdə Qərbi Azərbaycana qayıdış fəlsəfəsinə gənclərin baxışı mövzusunda ictimai dinləmə keçirilir. Tədbirdə bir sıra siyasi,ictimai və eləcə də Qərbi Azərbaycanla bağlılığı olan şəxslər iştirak edir.
Gülnar Nazimqızı
www.anews.az
Bizi sosial şəbəkələrdə izləyin !
