Türkiyə prezidenti din adamlarını köməyə səsləyib

"Müsəlmanlar olaraq baş verən hadisələrə görə utanırıq. Çünki vətəndaş müharibələri baş verir. Müsəlmanlar bir-birlərini qətl edirlər". 

ANS PRESS-in məlumatına görə, bu barədə Türkiyə prezidenti Abdullah Gül deyib. O, İslam dünyasında baş verən mənfi proseslərə diqqət çəkib:

"Qonşular bir-birlərinin evlərini dağıdır. Digər bir tərəfdən də çox böyük ağrılar çəkirik. Bu, nə müsəlmanlığa, nə də İslama yaraşar. Öz qüsurlarımızı qarşımıza qoyub mühakimə etməliyik. Bəzən ehtiraslar, başqa arzular məzhəbləri, dinləri və müxtəlif axınları istismar edərək bu qarşıdurmalara səbəb olur. Hər kəs ağlı başında olmalı və bu səhvlərə yol verməməlidir. Hər kəsin gözü qarşısında Fələstində, Qəzzada yaşananlar çox böyük utanc, çox böyük acizlikdir. Bunları dayandırmaq üçün İslam dünyasının həmrəylik göstərməsi lazımdır. Bu olmazsa daha çox ağrılar çəkilər".

Abdullah Gül bütün müsəlmanları bir olmağa çağırıb və əlavə edib ki, çətin bir Ramazan keçiririk. Prezident din adamlarını bu vəziyyətdən çıxmaq üçün köməyə səsləyib.

ANN.Az