“Gmail”dən yenilik

Şəxsin "Gmail” hesaba malik olması vacib deyil

Böyük Britaniya ərazisində birbaşa "Gmail” poçt xidmətinin interfeysindən pul göndərmək xidməti işə salınıb.

ANS PRESS-in məlumatına görə, məktub yazarkən "Attach Money” düyməsinə sıxmaq və köçürüləcək məbləği qeyd etmək kifayətdir. Bu barədə "ICTnews" elektron xəbər xidməti bildirir.

Əgər alan şəxsin "Google Wallet”i yoxdursa, o, avtomatik yaradılacaq və pul cüzdanına yerləşdirilmiş pulu başqa istifadəçilərə pul köçürmək, "Google Play” internet mağazasında alış-veriş üçün istifadə etmək mümkün olacaq. Bundan başqa, pulu almaq üçün alan şəxsin "Gmail” hesaba malik olması vacib deyil. Bərkitmə istənilən poçt xidmətində işləyir.

Yeni funksiya bir neçə həftə ərzində tədricən Böyük Britaniyanın 18 yaşdan yuxarı bütün istifadəçiləri üçün əlçatan olacaq.