Gürcüstan Bakı və İrəvan arasında sülh müqaviləsindən danışdı

Siyasət

15:24 | 01.06.2023

Gürcüstan Bakı və İrəvan arasında sülh müqaviləsindən danışdı

Gürcüstan Azərbaycanla Ermənistan arasında sülh danışıqlarını dəstəkləyir. Gürcüstanın baş naziri İrakli Qaribaşvili cümə axşamı Moldovada Avropa Siyasi Birliyinin sammitində jurnalistlərə bildirib.

"Düşünürəm ki, Gürcüstan regionumuzda sabitliyin və sülhün möhkəmləndirilməsində neytral, qərəzsiz rol oynayıb və oynayır. Bizim həm Azərbaycan, həm də Ermənistanla əla münasibətlərimiz var. Gürcüstan 2021-ci ildə Qarabağ müharibəsindən sonra çox mühüm, vasitəçi rolunu oynayıb. Əslində biz Azərbaycan və Ermənistan arasında gedən sülh danışıqlarını dəstəkləyirik və hesab edirik ki, bu, Gürcüstanın, Azərbaycanın, Ermənistanın və bütün regionun maraqlarına cavab verir”, - Qaribaşvili bildirib.

Azərbaycanla Ermənistan arasında 2020-ci il İkinci Qarabağ Müharibəsi başlayıb. Həmin ilin noyabrında Azərbaycan,Rusiya və Ermənistan arasında üçtərəfli bəyanat imzalanıb.

2022-ci ildən Azərbaycan və Ermənistan sülh müqaviləsini müzakirə etməyə başlayıblar.

Əvvəllər Gürcüstan Ermənistanla Azərbaycan arasında münasibətlərin normallaşmasında dəfələrlə vasitəçi kimi çıxış edib. Xüsusilə, Gürcüstanın vasitəçiliyi ilə 2021-ci ilin iyununda Azərbaycan Ermənistana 15 hərbi qulluqçu, İrəvan isə minalanmış ərazilərin xəritələrini Bakıya göndərib. Vasitəçiliyin digər nümunəsi Ermənistan və Azərbaycanın xarici işlər nazirləri Ararat Mirzoyan və Ceyhun Bayramov arasında 2022-ci il iyulun 16-da Tbilisidə baş tutan görüşdür.

Gülnar Nazimqızı

www.anews.az

Bizi sosial şəbəkələrdə izləyin !