Gürcüstan Fransanı yeni seçkilər keçirməyə çağırıb

Ölkəni siyasi böhrandan çıxarmaq üçün Fransa hakimiyyəti yeni parlament seçkiləri keçirə bilər. Bu barədə Gürcüstan parlamentinin spikeri Şalva Papuaşvili X (keçmiş Twitter) sosial şəbəkəsindəki səhifəsində məlumat verib.

"Mən Fransanın daxili işlərinə qarışmaq fikrində deyiləm, amma nəzərə alsaq ki, fransızların 61%-i prezident  Makronun istefasını dəstəkləyir, 50%-i isə Milli Assambleyanın buraxılmasını istəyir, yeni seçkilər siyasi böhranı həll etmək üçün yaxşı həll yolu ola bilər”, -  o vurğulayıb.

Bundan əvvəl Gürcüstanın baş naziri İrakli Kobaxidze Makrona Ukraynanı diqqətdə saxlamağı  tövsiyə edib .

O, həmçinin qeyd edib ki, Fransa prezidentinin Rusiyanın Gürcüstanda keçirilən parlament seçkilərinə müdaxiləsi ilə bağlı yalanlarına münasibət bildirməyəcək.

Noyabrın 28-dən Tbilisidə və Gürcüstanın digər şəhərlərində hakimiyyət ölkənin 2028-ci ilə qədər  Avropa İttifaqına daxil olması ilə bağlı danışıqları dayandırdığını elan etdikdən sonra etiraz aksiyaları keçirilir. Baş nazir İrakli Kobaxidzenin sözlərinə görə, bu qərar, özünün dediyi kimi, qrant və kreditlərdən şantaj vasitəsi kimi istifadə edən avropalı siyasətçilərin qəbuledilməz hərəkətləri ilə diktə edilib.


Aytac 
www.anews.az