Gürcüstan prezidenti Georgi Marqvelaşvili hökumətin növbəti iclasının gündəliyinə Rusiyanın "Qazprom” şirkəti ilə əməkdaşlıq və danışıqlar məsələsini daxil etməyi növbəti dəfə tələb edib.
Qeyd edək ki, sentyabrda Gürcüstanın energetika naziri Kaxa Kaladze"Qazprom” nümayəndələri ilə görüş keçirib. O, Gürcüstana Azərbaycandan ölkəyə olunan tədarüklə rəqabət edə biləcək qiymətin təklif ediləcəyi təqdirdə Rusiya qazının tədarük həcminin artırıla biləcəyini istisna etməmişdi. Lakin bu danışıqlar Gürcüstan müxalifəti və bəzi KİV-lər tərəfindən ciddi tənqid atəşinə tutulmuşdu. Gürcüstan müxalifəti etiraz aksiyası keçirərək dərhal "Qazprom”la danışıqlara son qoymağı tələb etmişdi.
"Biz yüksək vəzifəli məmurlardan bu məsələ ilə bağlı çoxlu bir-birinə zidd olan versiyalar eşitdik. Biz bu strateji əhəmiyyətli məsələyə dair məlumatın açıqlanmasını istəyirik. Bizə müəyyən yüksək vəzifəli şəxslərlə danışıqların aparılmasına və məsələyə aydınlıq gətirilməsinə dair çağırış olundu. Belə danışıqlar çox olub, lakin məsələ bizim üçün hələ də aydınlaşmayıb. Bu səbəbdən "Qazprom” məsələsinə hökumətin iclasında baxılmasına dair tələbimiz qüvvədə qalmaqdadır”, deyə prezidentin müşaviri Pikriya Çixradze bildirib.
Qeyd edək ki, oktyabrın ortalarında Gürcüstan prezidenti Georgi Marqvelaşvili hökumət administrasiyasına müraciət edərək hökumətin iclasında enerji təhlükəsizliyi və enerji daşıyıcıların tranziti məsələsinə baxılmasını xahiş edib. Energetika naziri Kaxa Kaladze isə məsələnin müzakirəyə çıxarılmasına ehtiyac olmadığını bildirib.
www.ann.az
Bizi sosial şəbəkələrdə izləyin !
