Hacı Əliyev ikinci oldu

Ümumdünya Güləş Birliyinin sərbəst güləşçilər arasında keçirdiyi on line yarışın qalibi iranlı Həsən Yazdani olub.

İranlı idmançıya 87 111, Hacıya 76 953 səs verilib. Nəticədə Olimpiya mükafatçımız, üçqat dünya və Avropa çempionumuz ikinciliklə kifayətlənib.

Online yarışma zamanı güləşçilər xalça üzərinə çıxmır, qaliblər birliyin müəyyən etdiyi sərbəst güləşçilər arasında aparılan səsvermə əsasında müəyyən edilir. Səsvermə instaqramda aparılır. H.Əliyev daha əvvəl səsvermədə Qeno Petriaşvili, Frank Çamiso və Cordan Barouzdan üstün olmuşdu.

 

(Oxu.Az)