Fırıldaqçılar tərəfindən orta statistik hücum kiçik və orta şirkətlərə adətən 65-115 min funt-sterlinq (99-175 min dollar) dəyərində ziyan vurur. Bu barədə "PwC" şirkətinin tədqiqatında deyilir. Bəzi şirkətlər ildə altı dəfə kiberfırıldaqçıların qurbanı olur. Böyük müəssisələr itkilərin öhdəsindən tez gəldiyi halda kiçik və orta şirkətlər üçün bu məbləğdə xərclər fəaliyyətin dayanmasına səbəb ola bilər.

 

Ekspertlər qeyd edirlər ki, buna baxmayaraq əksər kiçik şirkətlər təhlükəsizlik tədbirləri görür, çünki səyləri əsas kommersiya fəaliyyətinə yönəltmək istəyir. Bununla yanaşı, şirkətlər müvafiq mühafizə səviyyəsi barədə düşünmədən ən yeni internet texnologiyalarını və ödəniş həllərini tez tətbiq edirlər ki, bu da yaxşı hal deyil.

 

Hər gün kiçik şirkətlərin 30 minə yaxın internet saytı kiberfırıldaqçıların qurbanı olur. Bundan əlavə, hər gün təxminən 250 min yeni virus yaradılır, hücumlar isə getdikcə daha da ciddiləşir. Ekspertlərin fikrincə, şirkətlər şəbəkədə cinayətkar fəaliyyət nəticəsində ciddi ziyana uğramamaq üçün etibarlı mühafizə sistemi qurmalıdırlar//İctnews.az