Radio Televiziya Ali Şurasının 6 üzvü barəsində “vəzifədən sui-istifadə” iddiası ilə həbs qərarı verilib
Türkiyədə başda Radio Televiziya Ali Şurasının (RTÜK - Radio Televizyon Üst Kurulu) sədri Davud Dursun və qurumun sabiq sədri Zahid Akman olmaqla 6 nəfərin mühakimə olunması ilə bağlı hakim qərar verib. ANS PRESS yerli mətbuata istinadən xəbər verir ki, “vəzifədən sui-istifadə” və “rəsmi sənəddə saxtakarlıq” iddiaları ilə qaldırılan ittihamda şəxslər barəsində 1 il 3 ay həbs qərarı çıxarılıb, daha sonra bu qərar 1 il 15 günə endirilib.
Məlumata görə, həbs olunanlar RTÜK sədri Davud Dursun, qurumun üzvü Taha Yücel, RTÜK-ün sabiq sədri Zahid Akman, qurumun keçmiş üzvləri Abdulvahab Darendeli, Şaban Sevinc, Paşa Yaşardır. Məhkəmənin sədri həbslərin təxirə salınması barədə vəsatəti qəbul etməyib.
RTÜK-ün Milliyyətçi Hərəkat Partiyasından olan üzvü AKP (Hakim Ədalət və İnkişaf Partiyası) kvotasından seçilən üzvlərin cəzalandırılmasına etirazını bildirib. ANN.Az
