• $
  • €
  • ₽
  • ₺
  • £

Haniyənin ölümündən sonra Qərb təcili danışıqlara başlayıb

Haniyənin ölümündən sonra Qərb təcili danışıqlara başlayıb
01.08.2024 10:24
ABŞ və Aİ diplomatları İsrailin Beyrut və Tehranda Hizbullah və HƏMAS liderlərinə zərbələr endirməsindən sonra genişmiqyaslı regional müharibə təhlükəsinin qarşısını almaq üçün Yaxın Şərq üzrə maraqlı tərəflərlə təcili müzakirələr aparır, Financial Times xəbər verir.

Tehranda Aİ-nin xarici siyasət rəhbərinin müavini Enrike Mora danışıqlar aparır, Ağ Evin Yaxın Şərq üzrə yüksək vəzifəli rəsmisi Brett Makqurk isə Səudiyyə Ərəbistanındakı problemi müzakirə edib.

Rəsmilər qeyd ediblər ki, danışıqların məqsədi "Tehranı ya cavab verməməyə, ya da simvolik hərəkətə keçməyə inandıra biləcək" motivləri tapmaqdır, çünki İsrail diplomatları qərbli həmsöhbətlərinə onların ordusunun gələcək əməliyyatlar planlaşdırmadığını deyiblər.

 "Dünən gecədən bəri hamı Tehrana reaksiya verməməsi və özünü saxlaması üçün təzyiq göstərir",  - nəşr müzakirələrdə iştirak edən diplomatlardan birinin bəyanatından sitat gətirib. 
 
Avropa Komissiyasının xarici işlər və təhlükəsizlik siyasəti üzrə sözçüsü Piter Stano bildirib ki, "Mora Tehrandakı yeni İran administrasiyasının rəsmiləri ilə qarşılıqlı əlaqəsindən İranla bağlı bütün narahatlıq doğuran məsələlərdə Aİ-nin mövqeyini bizim tənqidi qarşılıqlı fəaliyyət siyasətimizə uyğun çatdırmaq üçün istifadə etdi”. 

ABŞ prezidenti Co Baydenin administrasiyası çərşənbə günü İsrail, eləcə də İrana təsir edən digər müttəfiqlər və tərəfdaşlarla təcili məsləhətləşmələr aparıb.

ABŞ dövlət katibi Antoni Blinken iordaniyalı və qətərli həmkarları ilə, ABŞ müdafiə naziri Lloyd Ostin isə israilli həmkarı Yoav Qalantla danışıb. Qəzet yazır ki, əvvəllər planlaşdırılan səfər çərçivəsində çərşənbə günü Səudiyyə Ərəbistanında olan Makqurk indi növbəti danışıqlar üçün Qahirəyə gedəcək.

"The Financial Times" yazır ki, İran və Hizbullah Tehranda HƏMAS lideri İsmayıl Haniyə və Bağdadda Hizbullah Fuad Şükrün öldürülməsinə görə qisas alacaqlarına söz verdikləri üçün daha geniş regional münaqişə qorxusu üzündən Qərbin diplomatik təzyiqləri artıb.
 
N.Təbrizli


www.anews.az
Youtube
Keçid et
Oxşar xəbərlər
Oxşar xəbərlər
Fransanın keçmiş baş naziri prezident seçkilərinə qatılacaq
Dünya 23:51
Fransanın keçmiş baş naziri prezident seçkilərinə qatılacaq
Aİ Ukraynaya 1 milyard avro həcmində hərbi yardım ayırıb
Dünya 22:53
Aİ Ukraynaya 1 milyard avro həcmində hərbi yardım ayırıb
Tramp Putin və Si Cinpinlə görüşünü “üçlük sammiti” adlandırıb
Dünya 22:43
Tramp Putin və Si Cinpinlə görüşünü “üçlük sammiti” adlandırıb
İranda Qəşm şəhəri yaxınlığına raket düşüb
Dünya 21:58
İranda Qəşm şəhəri yaxınlığına raket düşüb
Estoniyanın müvəqqəti işlər vəkili Rusiya XİN-ə çağırılıb
Dünya 21:30
Estoniyanın müvəqqəti işlər vəkili Rusiya XİN-ə çağırılıb
Samvel Mkrtçyan Ermənistanın Rusiyadakı yeni səfiri təyin edilib
Dünya 18:29
Samvel Mkrtçyan Ermənistanın Rusiyadakı yeni səfiri təyin edilib
Rumıniya səfiri Rusiya XİN-ə çağırılıb
Dünya 17:45
Rumıniya səfiri Rusiya XİN-ə çağırılıb
Ermənistan Rusiyaya yeni səfir təyin edib
Dünya 16:48
Ermənistan Rusiyaya yeni səfir təyin edib
Ağ Evin kibertəhlükəsizlik üzrə rəhbəri dəyişdiriləcək
Dünya 12:06
Ağ Evin kibertəhlükəsizlik üzrə rəhbəri dəyişdiriləcək
Anews TV

Rəsmi Youtube kanalımız

Abunə ol