HƏMAS-ın hərbi qanadının rəhbəri də öldürülüb

HƏMAS-ın hərbi qanadının lideri, "İzzəddin Briqadası”nın komandiri Məhəmməd Deyf Qəzza zolağında öldürülüb. Bu barədə İsrail Müdafiə Qüvvələri məlumat yayıb.

HƏMAS-ın Siyasi Bürosunun rəhbəri İsmayıl Haniyə Tehranda səfərdə olarkən iyulun 31-i gecə saat 2 radələrində yaşadığı iqamətgaha atılan raket zərbəsi nəticəsində ölüb. 

HƏMAS onun İsrailin hücumu nəticəsində öldüyünü,  İsrail Müdafiə Qüvvələri isə bu hadisəyə görə məsuliyyət daşımadığını deyib. 

Hadisə ilə əlaqədar İranda üçgünlük matəm elan edilib.