"Keçən il iyulun 11-də Dilqəm Əsgərov və Şahbaz Quliyevlə Azərbaycanın işğal altında olan Kəlbəcər rayonuna gedən Həsən Həsənovun işgəncələrlə qətlə yetirildiyi məlum olub".

ANN.Az "Report"a istinadən xəbər verir ki, bu barədə Azərbaycan Hüquq İslahatları Mərkəzi İctimai Birliyinin sədri Anar Bağırov bildirib.

O deyib ki, H.Həsənovun qətlə yetirilməsi ilə bağlı Kəlbəcər rayon Prokurorluğunda Cinayət Məcəlləsinin 115-ci (Müharibə qanunlarını və adətlərini pozma) və 116-cı (Silahlı münaqişə zamanı beynəlxalq humanitar hüquq normalarını pozma) maddələri ilə cinayət işi açılıb.

Qeyd edək ki, hazırda D.Əsgərov və Ş.Quliyev erməni girovluğundadır.

ANN.Az