Hindistanda Mao qruplaşması ilə döyüşlərdə 22 hərbçi ölüb, 31-i yaralanıb

19:33 | 04.04.2021
Aprelin 3-də Hindistanın Çxattisqarx ştatında Mao silahlı qruplaşması ilə döyüşlərdə təhlükəsizlik qüvvələrinin ən azı 22 əməkdaşı həlak olub, 31 əməkdaşı yaralanıb.
APA-nın "Sinxua” agentliyinə istinadən verdiyi məlumata görə, döyüşlərdə Hindistan ordusunun 2 mindən çox xüsusi təyinatlısı iştirak edib.
Mao silahlılarının da çoxsaylı itki verdiyi bildirilir.

Qeyd edək ki, Hindistanda 1960-cı illərdən fəaliyyət göstərən Mao qruplaşması marksizm və leninizm ideyalarını təbliğ edir, hazırda Hindistanın 28 ştatından 14-də aktivdirlər. Dehli Mao qruplaşmasını daxili təhlükəsizliyə başlıca təhdidlərdən biri sayır.

www.anews.az

Tərəfdaşların xəbərləri

REKLAM