Hindistanda tunel çöküb, 36 işçi dağıntılar altında qalıb

14:01 | 12.11.2023
Hindistanda tunel çöküb, 36 işçi dağıntılar altında qalıb

Hindistanda tunel çöküb, 36 işçi dağıntılar altında qalıb

Ən azı 36 işçi Uttarakhand ştatının şimalında tikilməkdə olan nəqliyyat tunelinin dağıntıları altında qalıb.

Bu barədə yerli polisə istinadən məlumat yayılıb.

"36 nəfər tuneldə qalıb və onların xilas edilməsi üçün səylər göstərilir. Polis əməkdaşları və Milli Fəlakətlərə Qarşı Mübarizə Qüvvələrinin komandası hadisə yerindədir”, - deyə rayon polis idarəsinin rəisi Arpana Yaduvanş bildirib.

Onun sözlərinə görə, tunel dağlarda tikilirmiş və işçilər 200 metr irəlilədikdən sonra qurğu çöküb.

Uçqun zamanı tuneldə olanların hamısının sağ olduğu bildirilir. Yaduvanş bəyan edib ki, onları dağıntılar altından xilas etmək iki-üç gün çəkə bilər.

www.anews.az
0
Bizi sosial şəbəkələrdə izləyin !

REKLAM

Xəbər lenti

“Bir Pəncərə İxraca Dəstək Mərkəzi” xətti ilə ixrac azalıb