İcbari Tibbi Sığorta Fondunun gəliri 10% artıb

"Bizə daxilolmalar artır. Bizim İcbari Tibbi Sığorta fondu 2022-ci ildə 2,2 milyard manat təşkil edirdisə  2022-ci ildə bu rəqəm  2,4 milyard manat olub. Bu isə 10% artım deməkdir", - Zaur Əliyev Milli Məclisdə "2023-cü il üçün Dövlət büdcəsi layihəsi"nin  müzakirəsi zamanı bildirib. 

Onun sözlərinə görə, 2023-cü ildə İcbari tibbi siğorta fonduna işəgötürənlər tərəfindən 764 milyon manat, fiziki şəxslərdən isə 12,6 milyon manat vəsaitin daxil olacağı proqnozlaşdırılır.  Benzin, tütün, alkoqol və energetik içkilərinin satışından İTS fonduna   122,135 milyon manat gəlirin daxil olacağı nəzərdə tutulub. 

"Biz fondun vəsaitini artırmaq üçün həmçinin onları investisiya edərək dövlət istiqrazları alırıq. Bu istiqrazlardan 2023-cü ildə alacağımız gəlir 3,9 milyon manat təşkil edəcək", - Əliyev bildirib. 

Onun sözlərinə görə, 2022-ci ildən 2023-cü ilə fondan 215 milyon manat xərclənməmiş vəsait keçəcək. 

Zaur Əliyev həmçinin bildirib ki, fondun əsas xərcləri tibb müəssisələrinin maliyyələşməsinə sərf olunur. 

"Xidmətlər zərfinin artırılması ilə bağlı təkliflər daxil olur. Xİdmətlər zərfində dəyişikkliklər nəzərdə tutulub. Protezləşdirmənin  ürək qan-damar xəstəlikləri ilə bağlı əməliyyatların  həcmi artırılıb",  - o bildirib. 

Əlyevin sözlərinə görə, tibbi sığortanın icrasına başlayanda 27 özəl tibb müəssisəsi ilə müqavilə brazılaşmalar bağlanıb.  

Zaur Əliyev 2022-ci ildə ən çox əmək haqlarında artımlar edildiyini, əksər ixtisaslı həkimlərin əmək haqlarının 1000 manat minimum əmək haqqı həddi müəyyənləşdirildiyini də söyləyib. 

Onun sözlərinə görə, həkimlərə gstərdikləri xidmətdən asılı olaraq əmək haqqının üstünə binuslar da ödənilir.  

Azərbaycanda icbari tibbi sığorta 2021-ci ildən  tətbiq olunur.