İki rayonda dronlarla bağlı ixtisas peşə məktəblərində tədris olunacaq - İlk dəfə
29.07.2024 13:16
Dronların texniki xidməti və təmri üzrə texnik ixtisası ilk dəfə bu ildən Bərdə və Cəlilabadda yerləşən peşə təhsili müəssisəsində tədris olunacaq. Bunu Peşə Təhsili üzrə Dövlət Agentliyinin direktoru Ceyhun Kərəmov deyib.
"Dronların texniki xidməti və təmri üzrə texnik ixtisası yenidir. Bu istiqamətdə həm yerli, həm də beynəlxalq təcrübədən bəhrələnməliyik. Hazırkı dönəmdə beynəlxalq tərcübədən istifadə etmək üçün planımız yoxdur. Müəllimlərimizi hər il təlimlərə göndəririk. Müəllimlərin işə qəbulu prosesində bu ixtisası tədris edəcək müəllimlərin nə qədər maraqlı olduğunu görəcəyik. Mənim fikrimcə bunu tədris edəcək müəllimlər var. Bərdə və Cəlilabbadda yerləşən peşə müəssisələrində bunun üçün şərait olduğuna görə ilk dəfə bu ixtisas tədris olunacaq. Digər müəssisələrdə şərait qurulacağı təqdirdə biz bu ixtisasların tədris olunmasını təmin edəcəyik", - Kərəmov iyulun 29-da jurnalistlər üçün keçirilən brifinqdə deyib.
Agentliyin direktoru vurğulayıb ki, bu il ilk dəfə peşə müəssisələrində 9 yeni ixtisas üzrə dərslər keçiriləcək.
Gülnar Nazimqızı
www.anews.az
Son xəbərlər 
Daha çox
Foto 
Video 
