İKT üzrə ekspertə dörd il həbs cəzası verilib

Gündüzün paylaşımında cinayət işinin detalları barədə ətraflı məlumat verilməsə də, İlqar Əliyevin ittihamları qəbul etmədiyi bildirilib.

İlqar Əliyev Bakı Beynəlxalq Dəniz Ticarət Limanı QSC-də "İnformasiya texnologiyaları" departamentinin rəhbəri və bir bankda müşavir kimi çalışıb. O, böyük miqdarda narkotik vasitələrin qanunsuz dövriyyəsində ittiham olunub.

İş Bakı Ağır Cinayətlər Məhkəməsində hakim Fərid Namazovun sədrliyi ilə araşdırılıb. Məhkəmə qərara alıb ki, ittiham olunan şəxs narkotik vasitələri satış məqsədilə əldə etməyib.

 

Bu səbəbdən onun əməli Azərbaycan Respublikasının Cinayət Məcəlləsinin 234.1-1-ci maddəsi (narkotik vasitələrin və ya psixotrop maddələrin qanunsuz əldə edilməsi, saxlanması, hazırlanması, emalı, daşınması, lakin satış məqsədi güdmədən böyük miqdarda olması) ilə qiymətləndirilib.

İKT üzrə ekspert İlqar Əliyev özünü günahkar hesab etmədiyini bildirib. Lakin məhkəmənin qərarına əsasən, o, dörd il azadlıqdan məhrum edilib.