İlham Əliyev ilə İran Prezidenti vəzifəsini icra edən Moxber arasında telefon danışığı olub
05.06.2024 18:02
Azərbaycan Prezidenti İlham Əliyev ilə İranın Prezidenti vəzifəsini icra edən, Birinci vitse-prezident Məhəmməd Moxber arasında iyunun 5-də telefon danışığı olub.Bu barədə Prezidentin Mətbuat Xidməti məlumat yayıb.
Telefon danışığı əsnasında dövlətlər arasında tarixi dostluq, qonşuluq və xalqlar arasında qardaşlıq münasibətlərinin mövcud olduğu bir daha vurğulanıb.
Söhbət zamanı Prezident İlham Əliyev ilə İran İslam Respublikasının mərhum Prezidenti Seyid İbrahim Rəisinin Azərbaycan-İran sərhədində keçirilmiş görüşü, görüşdə aparılmış müzakirələrin və əldə edilmiş razılaşmaların əhəmiyyətinə toxunulub. Qeyd edilib ki, bir çox önəmli məsələlərin müzakirə edildiyi həmin görüşdə əlaqələrin inkişafının gələcək istiqamətləri və hər iki tərəfin güclü siyasi iradəsi bir daha təsdiqlənib. Azərbaycanın bu görüşdə əldə edilmiş razılaşmalara tam şəkildə sadiq olduğunu deyən dövlət başçısı bildirib ki, ölkəsi onların icrası istiqamətində İran İslam Respublikası ilə birlikdə fəaliyyətini davam etdirəcək.
Başsağlığına görə təşəkkürünü bildirən Məhəmməd Moxber də öz növbəsində İran tərəfindən Prezident İlham Əliyev ilə İranın mərhum Prezidenti Seyid İbrahim Rəisinin görüşü zamanı əldə edilmiş razılaşmaların ölkələrin maraqlarına uyğun olaraq həyata keçiriləcəyini qeyd edib.
www.anews.az
Oxşar xəbərlər
Oxşar xəbərlər
Siyasət
17:42
Özbəkistanın enerji keçidi üzrə yol xəritəsi regional yaşıl enerji əməkdaşlığını gücləndirəcək – AREA
Siyasət
16:34
Prezident: Azərbaycanın qaz ehtiyatları növbəti yüz il ərzində lazımi təlabatı ödəməyə bəs edir
Son xəbərlər 
Siyasət
17:42
İqtisadiyyat
17:15
İqtisadiyyat
17:05
Siyasət
16:34
Siyasət
16:21
Siyasət
16:17
Foto 
Video 
