Prezident İlham Əliyev "Azərbaycan Respublikası ilə Bolqarıstan
Respublikası arasında ticarət-iqtisadi və elmi-texniki əməkdaşlıq üzrə
Müştərək Komissiyanın Azərbaycan Respublikası tərəfindən yeni tərkibinin
təsdiq edilməsi haqqında” Azərbaycan Respublikası Prezidentinin 2008-ci
il 6 mart tarixli 2708 nömrəli sərəncamında dəyişiklik edilməsi barədə
sərəncam imzalayıb.
"Qaynarinfo" xəbər verir ki, 2008-ci
ildə imzalanmış sərəncamın 1-ci hissəsində "Ziya Məmmədov - Azərbaycan
Respublikasının nəqliyyat naziri” sözləri "Heydər Əsədov - Azərbaycan
Respublikasının kənd təsərrüfatı naziri” sözləri ilə əvəz edilib.
Qeyd
edək ki, Nəqliyyat Nazirliyi Rabitə və Yüksək Texnologiyalar Nazirliyi
ilə birləşəndən sonra Ziya Məmmədov işsiz qalıb. İki nazirliyin
birləşməsindən yaranan Nəqliyyat, Rabitə və Yüksək Texnologiyalar
Nazirliyinə Ramin Quluzadə başçılıq edir.
www.anews.az
Bizi sosial şəbəkələrdə izləyin !
