ANN.Az-ın məlumatına görə, Azərbaycan iqtisadiyyatı və biznesinin müxtəlif sahələrində çalışan 28 laureat bu ali mükafata layiq görülüb. Onların arasında nüfuzlu maliyyə institutları, iri sənaye müəssisələri və developerlər, eləcə də kiçik və orta biznesin qabaqcıl şirkətləri yer alıb. Mükafata layiq görülən bütün şirkətlər fərqli olmalarına baxmayaraq, yüksək rentabelli, bazarda sabit mövqeyə malik və intensiv inkişaf edən, maliyyə şəffaflığı və informasiya açıqlığı üzrə beynəlxalq standartları tətbiq edənlərdir. 

Binəqədi Rayon İcra Hakimiyyəti xüsusi nominasiya olan "İlin yerli icra hakimiyyəti orqanı" nominasiyası üzrə mükafata layiq görülüb.

Mükafatı qəbul edən Binəqədi Rayon İcra Hakimiyyəti başçısının müavini Aygün Əliyeva təşkilatçılara Binəqədi Rayon İcra Hakimiyyətinin başçısı cənab Xaləddin İsgəndərovun adından təşəkkür edərək qeyd etdi ki, Prezident İlham Əliyevin müvafiq Sərəncamı ilə 2013-cü il Azərbaycan Respublikasında “İnformasiya-kommunikasiya texnologiyaları ili” elan edilib. Odur ki, Binəqədi Rayon İcra Hakimiyyəti başçısı Aparatı da “elektron hökumət”in yaradılması istiqamətində səylə çalışıb və nəticədə əməyimiz xüsusi qiymətləndirilıb. 

Bütün mükafatçıları təbrik edən Aygün Əliyeva hər bir iştirakçıya gələcək fəaliyyətində uğurlar arzulayıb.