Çin Gürcüstan vətəndaşları üçün viza rejimini ləğv edib. Bu barədə ExoKavkaza xəbər portalı Gürcüstan baş naziri İraklı Kobaxidzeyə istinadən məlumat yayıb.
Məlumata görə, Gürcüstan vətəndaşları Çində 30 gün vizasız qala biləcəklər.
"Bu, vətəndaşlarımızın Çinə səyahətini asanlaşdıracaq, Gürcüstan və Çin arasında siyasi, iqtisadi, mədəni əlaqələrin daha da inkişafı üçün yeni imkanlar yaradacaq mühüm qərardır. Bu qərar ötən il Gürcüstan və Çin arasında imzalanmış strateji tərəfdaşlıq sazişinin daha bir mühüm praktiki nəticəsidir. Mən həmvətənlərimi təbrik edirəm və bu mühüm qərara görə çinli dostlarıma və Çin hökumətinə təşəkkür etmək istəyirəm”, - Kobaxidze qeyd edib.
2023-cü ilin iyulun 31-də Çin və Gürcüstan iki ölkə arasında strateji tərəfdaşlıq qurulduğunu elan ediblər.
Aygün Mirakif
www.anews.az
Bizi sosial şəbəkələrdə izləyin !
