İNG Azərbaycanda uçot dərəcəsinin enəcəyini proqnozlaşdırır
05.07.2024 12:07
Hollandiyanın ING şirkətinin analitikləri Azərbaycan Mərkəzi Bankının (AMB) 2024-cü ilin ikinci rübündə uçot dərəcəsini 7%-ə endirəcəyi barədə proqnoz verib.
ING-in proqnozlarına görə, 2024-cü ilin üçüncü rübündə uçot dərəcəsi daha 50 baza bəndi azalaraq 6,5% təşkil edəcək və 2025-ci ilin sonuna qədər dəyişməz qalacaq, 2026-cı il üçün isə şirkət uçot dərəcəsini 7,5% səviyyəsində proqnozlaşdırır.
Mərkəzi Bankın son iclasında (21 iyun 2024-cü il) uçot dərəcəsinin dəyişməz olaraq 7,25% səviyyəsində saxlanılması barədə qərar qəbul edilib .
Mərkəzi Bankın uçot dərəcəsi məsələsi ilə bağlı növbəti iclası 31 iyul 2024-cü il tarixinə təyin edilib.
Bu ilin sonuna kimi Mərkəzi Bankın faiz dəhlizinin parametrləri ilə bağlı qərarları sentyabrın 18-də, oktyabrın 30-da və dekabrın 18-də ictimaiyyətə açıqlanacağı bildirilib.
ING şirkətinin analitikləri Azərbaycanın ən azı 2026-cı ilin sonuna kimi manatın ABŞ dollarına nisbətdə de-fakto məzənnəsini 1,7 manat/1 dollar səviyyəsində saxlayacağını proqnozlaşdırırlar.
Analitiklər bunun manata təzyiqin xeyli azalması ilə bağlı olacağını izah edirlər.
Azərbaycan Mərkəzi Bankı 2017-ci ildə inflyasiyanın qarşısını almaq üçün milli valyutanın ABŞ dollarına nisbətdə məzənnəsini 1,7 manat səviyyəsində müəyyən edib.
S&P Global Ratings beynəlxalq reytinq agentliyi və Asiya İnkişaf Bankı da 2026-cı ilə qədər milli valyutanın dollara nisbətən məzənəsinin sabit qalacağını proqnozlaşdırıblar.
N.Təbrizli
www.anews.az
Son xəbərlər 
Daha çox
Foto 
Video 
