Çində 2022 ci il əhalinin sayı 2021-ci illə müqayisədə 850 min nəfər azalaraq 1,411 milyard nəfərə düşüb. Bu barədə Çin Milli Statistika Bürosu açıqlama yayıb.
Hesabata görə, 2022-ci ildə yeni doğulanların sayı 9,56 milyon, ölənlərin sayı isə 10,41 milyon nəfər olub.
2022-ci ilin sonuna Çində kişilərin sayı 722,06 milyon, qadınların sayı 689,69 milyon nəfər təşkil edib. Əmək qabiliyyətli yaşda olanların (16-59 yaş) sayı 875,56 milyon nəfər təşkil edib ki, bu da ümumi əhalinin təxminən 62%-ni təşkil edib.
Eyni zamanda, 65 yaşdan yuxarı vətəndaşların sayı 209,78 milyon nəfərə çatıb ki, bu da ümumi əhalinin təxminən 14,9%-ni təşkil edib.
2022-ci ilin sonuna Çinin şəhər əhalisinin sayı illik müqayisədə 6,46 milyon artaraq 920,71 milyon nəfər təşkil edib. Kənd yerlərində yaşayanların sayı 7,31 milyon nəfər azalaraq 491,04 nəfər olub.
Çinin əhalisi 2022-ci ildə 60 ildə ilk dəfə azalmağa başlayıb
2022-ci ildə Çin əhalisi 1959-1961-ci illərdə ölkədə baş verən kütləvi aclıqdan sonra ilk dəfə azalmağa başlayıb.
Aytac
www.anews.az
Bizi sosial şəbəkələrdə izləyin !
