“İnqilab içində inqilab” baş verdi

Venesuelada hökumət nümayəndələri ölkə prezidenti Nikolas Maduronun lazımi dəyişikliklər etməsi üçün hamılıqla istefa verib. 

Anspress-in məlumatına görə, dövlət prezidenti köməkçisi Xorxe Arreza tərəfindən verilən açıqlamada, prezident köməkçilərinin, nazirlərin və onların köməkçilərinin Maduroya istefa ərizlərini təqdim etdikləri bildirilir. 

Arreza atdıqları addımla dövlətdə bir çox dəyişikliklərin olacağını vurğulayıb. Maduro isə öz növbəsində nazirlərə onun hökuməti yenidən qurmaq üçün şərait yaratdıqlarına görə təşəkkür edib.

Qeyd edək ki, Venesuela prezidenti Nikolas Maduro bir müddət əvvəl hökumət kabinetini yeniləmək planı olduğunu elan etmiş və bunu “inqilab içində inqilab” adlandırmışdı.

ANN.Az