"Bu vəsaitlər Mərkəzi Bankın krediti hesabına olacaq, lakin Maliyyə Nazirliyi buna öz zəmanətini verəcək.

Bu pulları dövlət zəmanəti altında verəcəyik. Maliyyə Nazirliyi ilə birgə təklifimizə əsasən, bu məbləğ təxminən 250 milyon manat həcmindədir. Bu vəsaitin müəyyən bir hissəsi sosial, müəyyən bir hissəsi isə kommersiya ipotekasına yönəldiləcək”, - Elman Rüstəmov demişdi.

Baş bankir həm kommersiya, həm də sosial ipotekanın şərtlərinin aşağı salınmasının təkliflər sırasında olduğunu vurğulamışdı. 

Oxu.Az son proseslərin gələcək bazara təsirləri barəsində iqtisadçı-ekspert Oqtay Haqverdiyevin fikirlərini öyrənib:

O.Haqverdiyev bazara 200 milyon dolların daxil olmasının mənzillərin qiymətini bahalaşdıracağını bildirib:

"Tələbat artdıqda, təklif də buna reaksiya kimi qiyməti qaldıracaq” - deyə, o qeyd edib. 

İqtisadçı-ekspert bu vəsaitin iki istiqamətə yönləndirilməsinin mümkün ola biləcəyini istisna etmir:

"Birinci halda, dəbdəbədən kənar, normal yaşayışı olan mənzillərin tikilməsi, sonra onların yeni ailə quranlara, hərbçilərə və s. verilməsi. İkinci halda isə qonşu ölkə Türkiyə kimi sosial mənzillərin tikilməsi və onların kirayə şəklində 15-20 ilə verilməsi. Bundan sonra həmin evlər kirayədə yaşayan ailələrə qala bilər”.

Bundan əlavə, iqtisadçı sosial mənzillərin tikilməsi üçün qanunvericilik bazasının olmadığını da vurğuladı:

"Bunun hələ ki qanuni bazası yoxdur, qanunlar olmalıdır”.

İpoteka faiz dərəcələrinin aşağı düşməsinə gəldikdə isə, ekspert faiz dərəcələrinin azalmasını istisna edir:

"Son proseslərdə bu məsələyə toxunulmadı. Çox güman ki, faiz dərəcələri dəyişilməz olaraq qalacaq”.

Ekspertin sözlərinə görə, Qərblə müqayisə etdikdə, Azərbaycanda ipoteka faiz dərəcələri çox yüksəkdir:

"8-9%-lə ipoteka krediti olmur, ipoteka 1% və ya faiz yarım, hətta yarım faiz olmalıdır”.

Qeyd edək ki, AMB-nın 2015-ci ilin iyunun 1-nə olan məlumatına görə, son 1 ildə verilmiş kreditlərin orta məbləği 40 524 manat, kreditlərin orta illik faiz dərəcəsi 6,74% (bir ayda dəyişməyib), kreditlərə görə aylıq ödəniş məbləği isə 0,3 manat azalaraq, 297,3 manat təşkil edib.