Yunanıstan baş naziri Aleksis Tsipras ölkə iqtisadiyyatına yardım proqramı üzrə ümummilli referendumun keçiriləcəyini elan edib.
ANS PRESS-in məlumatına görə, "Agence France-Press" xəbər verir ki, baş nazir referendum günü üçün 5 iyul tarixi seçildiyini də bildirib.
"Hansısa məcburiyyət olmadan nə etmək lazım olduğunu xalq seçməlidir”- deyə Tsipras millətə videomüraciəti zamanı deyib. Baş nazir həmçinin referendum keçirilənədək yardım proqramının davam etməsi üçün AB-dən xahiş edəcəyini də deyib.
Qeyd edək ki, bundan əvvə baş nazir Yunanıstanın Avropa Birliyində qalacağını bildirmişdi.
Müxalifət fəalları referendum qərarına kəskin etirazlarını bildiriblər. Müxalifətdə olan Pasok partiyasının rəsmiləri isə ölkədə vaxtından əvvəl parlament seçkisi keçirilməsini tələb edib.
www.ann.az
Bizi sosial şəbəkələrdə izləyin !
