Avropa İttifaqı bu ölkədə insan haqlarının pozulması iddiası ilə bağlı sanksiya rejimi çərçivəsində İrana qarşı şəxsi məhdudiyyətləri genişləndirib. Bu barədə Aİ-nin rəsmi jurnalında dərc olunan məqalədə deyilir.

Altı təşkilat və dörd şəxs sanksiya siyahısına yeni daxil olub. Xüsusilə, İranın müxtəlif bölgələrindəki həbsxanalara, eləcə də bu ölkənin təhlükəsizlik qüvvələrinin yüksək rütbəli nümayəndələrinə sanksiya tətbiq edilib.

Aİ, Böyük Britaniya, ABŞ, eləcə də bir sıra digər ölkələr əvvəllər dəfələrlə İranı insan hüquqlarını pozmaqda ittiham edib və bu ittihamlarla əlaqədar ölkəyə qarşı sanksiyalar tətbiq ediblər.


www.anews.az