İranda aksiyalarda iştirak edən 3 şəxsə ölüm hökmü çıxarılıb

Tehran İnqilab Məhkəməsi üç aksiya iştirakçısı barədə ölüm hökmü verib. Bu barədə Azad İran telegram kanalında məlumat yayılıb.

Tehran İnqilab Məhkəməsi noyabrın 16-da İranda aksiyalarda iştirak edən 3 şəxsə ölüm hökmü çıxarıb.


Bildirilib ki, həmin şəxslərdən biri İranda ictimai asayişi və qeyri-sabitliyi pozmaqda, o cümlədən insanlara və dövlət əmlakına ziyan vurduğu üçün "hakimiyyətə qarşı üsyan"da ittiham olunub.


Digəri Pakdəşt şəhərində polis postunun yandırılması və dövlət əmlakının dağıdılmasında təqsirli bilindiyi üçün "yer üzündə fəsad yaymaq"da, üçüncü şəxs isə dövlət əmlakına ziyan vurduğu, iğtişaşlarda aparıcı rol oynadığı və bir məmurun yaralanmasına səbəb olduğu üçün "hakimiyyət əleyhinə müharibə" etməkdə ittiham olunub.


Daha öncə İran parlamentinin 227 üzvü parlamentin açıq iclasında ölüm cəzasına məhkum edilən etirazçıların dərhal edam edilməsini tələb edib. 



www.anews.az