İranda həbsdə olan beş amerikalı azad edilib

Məlumata görə, İran pasportu daşıyan bu beş amerikalı evlərinə qayıdacaq.

 

Həmin vətəndaşların artıq Qətərin İrandaki səfirinin yanında olduğu bildirilib.

 

Amerika analitiklər bunu hər iki tərəf üçün qələbə adlandırıb.

 

Bunda əvvəl ABŞ və İran bir neçə iranlı məhbusun azad edilməsi və Tehranın dondurulan 6 milyard dollarlıq aktivlərini əldə edilməsi qarşılığında Amerika vətəndaşını vətənlərinə qaytarmaq barədə razılığa gəliblər. Bu barədə "The New York Times” mənbələrə istinadən məlumat yayıb.

Razılaşmanın ilk addımı olaraq İran hakimiyyəti ev dustaqlığında olan 4 ABŞ vətəndaşını həbsxanadan Tehrandakı otelə köçürüb. Bundan əvvəl daha bir amerikalı qadın ev dustaqlığına buraxılmışdı.

Amerikalılar vətənlərinə qayıtdıqdan sonra ABŞ hakimiyyəti sanksiyalar rejimini pozduqlarına görə cəza çəkən bir neçə iranlını azad edəcək. Bundan əlavə, Vaşinqton Tehranın neft satışından aldığı təxminən 6 milyard dolları qaytaracaq. Bu vəsaitin humanitar xərclərin ödənilməsinə yönəldiləcəyi gözlənilir.