İranda parlament seçkilərinin ikinci mərhələsi bu tarixdə olacaq

İranda XI çağırış parlament seçkilərinin ikinci mərhələsinin vaxtı açıqlanıb. 


APA-nın məlumatına görə, İranın Seçkilər Qərargahının katibi Seyid İsmail Musəvi deyib ki, seçkilərin ikinci mərhələsi 11 sentyabr tarixində 11 dairə üzrə keçiriləcək.


Xatırladaq ki, İranda parlament seçkiləri bu ilin fevral ayının 21-də keçirilib. Seçkilərdə seçici fəallığının 42,57 faiz olduğu bildirilib. Ümumilikdə XI çağırış parlament seçkilərində 24 512 404 nəfər səs verib.

www.anews.az