Aksiya zamanı on minlərlə insan küçələrə axışıb. Ermənistan parlamentində təmsil olunan üç müxalifət partiyası tərəfindən təşkil olunan etiraz aksiyasına 20 min adam qatılıb. Mitinq iştirakçıları onların sayının bu rəqmlərdən qat-qat çox olduğunu bilidiriblər. 

Azadlıq meydanına toplaşan kütlə prezident Sarkisyanın istefasını tələb edib. Ermənistanın eks prezidenit Levon Ter-Petrosyan aksiyada çıxışında deyib ki, Ermənistan hakimiyyətinin yarıtmaz xarici və daxili siyasəti bizi bir yerə yığışmağa məcbur edib. Minlərlə erməni “Sarkisyan çıx get!” şüarları səsləndiriblər. Mitinq Ermənistanın Avrasiya İqtisadi İttifaqına qoşulduğu günə təsadüf edib. 

Ermənistan hökumətinin Avropa Birliyinə deyil, Putinin yeni İttifaqına qoşulmaq qərarı tənqidlərə səbəb olub.

ANS PRESS