İrəvanda polislə toqquşmalar və insanların həbsi başlayıb

İrəvanda polislə toqquşmalar başlayıb və parlament binası yaxınlığında etirazçılar saxlanılıb.

Qarabağdakı vəziyyətlə bağlı ölkənin baş naziri Nikol Paşinyana etiraz edən Ermənistan vətəndaşları hazırda hökumətin iclasının keçirildiyi İrəvanın mərkəzində Nazirlər Kabinetinin binası qarşısında toplaşıblar.

"Polislə toqquşmalar və sərt həbslər... Polis sadəcə insanları sındırır", - " Azatagrum" (Azadlıq) xalq hərəkatının lideri Mika Badalyan Telegram kanalında yazıb.

Onun sözlərinə görə, tətilə Moskva Dövlət Universitetinin İrəvandakı filialının tələbələri ilə yanaşı, Fransa universitetinin tələbələri də qoşulub.

Sentyabrın 19-da Azərbaycan Müdafiə Nazirliyi Dağlıq Qarabağda lokal antiterror əməliyyatına başlandığını elan edib. Əməliyyatın məqsədinin "genişmiqyaslı təxribatların” qarşısının alınması, o cümlədən Ermənistan ordusunun bölmələrinin tərksilah edilərək bölgədən çıxarılması olduğu bildirilib.

Bir gün sonra Rusiya sülhməramlılarının vasitəçiliyi ilə bölgədə atəşkəslə bağlı tərəflər arasında razılıq əldə olunub. Atəşkəsin şərtləri arasında, xüsusilə, Ermənistan silahlı qüvvələrinin tərksilah edilməsi və ağır texnikanın geri çəkilməsi də var idi.




www.anews.az