İşğaldan azad edilən ərazilərdə 52 seçki məntəqəsi fəaliyyət göstərəcək
15.08.2024 10:18
Sentyabrın 1-də keçiriləcək Milli Məclisə seçkilərdə işğaldan azad edilən ərazilərdə 54 seçki məntəqəsi fəaliyyət göstərəcək. Bu barədə u Mərkəzi Seçki Komissiyasının (MSK) sədri Məzahir Pənahov jurnalistlərə açıqlamasında deyib.
Onun sözlərinə görə, bu məntəqələrdən 34-ü daimi, 20-si isə müvəqqəti, yəni beş günlük məntəqələr olacaq
O həmçinin bildirib ki, seçkilərin gedişini müşahidə edəcək 80 minə yaxın yerli müşahidəçi qeydə alınıb.
"Bizim təxminimizə görə bu rəqəm 100 mini keçəcək. Hələlik 300 beynəlxalq müşahidəçilər qeydə alınıb", , - Pənahov əlavə edib.
Bu il sentyabrın 1-də Azərbaycan Milli Məclisinə növbədənkənar seçkilər keçiriləcək. Bu barədə iyunun 28-də Prezident İlham Əliyev sərəncam imzalayıb.
Yeni Azərbaycan Partiyasını Milli Məclisdə təmsil edən deputatlar altıncı çağırış Milli Məclisin buraxılması və növbədənkənar seçkilərin təyin edilməsi barədə Azərbaycan Prezidentinə müraciət olunması təşəbbüsü ilə çıxış edib.
Bu təşəbbüsə uyğun olaraq Milli Məclis ölkə prezidentinə müraciət edib.
İyunun 27-də Azərbaycan Konstitusiya Məhkəməsi Milli Məclisin buraxılması və növbədənkənar seçkilərin təyin edilməsini Konstitusiyaya uyğun hesab edib.
Hazırda Milli Məclisdə Yeni Azərbaycan Partiyasının üzvü olan 68 deputat var.
Azərbaycanda Konstitusiyaya əsasən, 125 üzvü olan Milli Məclisə seçkilər beş ildən bir, parlamentin sonuncu səlahiyyət ilinin noyabr ayının ilk bazar günü keçirilir.
Seçkilərin tarixi onların keçirilməsindən iki ay əvvəl elan edilir.
Bundan öncəki parlament seçkiləri və son iki prezident seçkiləri növbədənkənar keçirilib.
N.Təbrizli
www.anews.az
Foto 
Video 
