İşdən çıxarılan nazir müavini: “Ömrümün sonunadək Prezidentimizin quluyam”

Cəmiyyət

Video

11:15 | 30.11.2021

İşdən çıxarılan nazir müavini: “Ömrümün sonunadək Prezidentimizin quluyam”

Azərbaycan Prezidenti İlham Əliyevin sərəncamları ilə İntiqam Babayev və İsmayıl İsmayılov gənclər və idman nazirinin müavini vəzifəsindən azad edilib.

İsmayıl İsmayılov Qaynarinfo-ya açıqlamasında bildirib ki, sözügedən sərəncam onun üçün gözlənilməz olub:

"Buna baxmayaraq, mən ömrümün sonunadək Prezidentimizin quluyam. Ölkə başçısının yolunda hər şeyə hazıram. 15 il nazir müavini postunda oldum.

Bundan böyük nə ola bilər? Əbədi heç nə yoxdur. Bu gün mən deyərdim ki, ölkədə bütün inkişaf onun sayəsində gedir. Son 300 ildə bizim torpaqlarımız alına-alına gedirdisə, bu gün onun sayəsində işğal olunan ərazilərimiz düşmən tapdağından azad olunub. Allah Prezidentimizi qorusun”.

Keçmiş nazir müavini bundan sonra hansı işlərlə məşğul olacağından da danışıb: "Pedoqoji elmlər namizədi alimlik dərəcəsinə və Professor elmi adına layiq görülmüşəm. Bundan sonra elmi işlərlə məşğul olacağam”, - deyə o bildirib.

Dövlət başçısının digər sərəncamları ilə İndira Niyazi qızı Hacıyeva və Mariana Toteva Vasileva Azərbaycan gənclər və idman nazirinin müavini vəzifələrinə təyin ediliblər.

www.anews.az

Bizi sosial şəbəkələrdə izləyin !