Terror təşkilatı olan İŞİD öz üzvlərinə ağıllı telefonlardan istifadə etməyə qadağa qoyub. Baxmayaraq ki, indiyə qədər terrorçular yeni texnologiyadan istifadə etməklə sosial şəbəkələrdə fəaliyyətləri ilə bağlı xəbərlər. eləcə də video-görüntülər yayımlayırdılar.

Təşkilat rəhbərliyinin "Apple" istehsalı olan "iphone" telefonlarından istifadə qadağası "Facebook"da paaylaşılan yazılı açıqlamada yer alıb. ANN.Az xəbər verir ki, İŞİD hər növ "Apple" məhsulunun istifadəsini qadağan edir.
 
 Açıqlamada sözügedən qadağanın alınma səbəbinə toxunulmayıb, GPS-in yerləşdiyi elektron cihazların da istifadəsinə qadağa yetirildiyi vurğulanıb.
 
GPS sisteminin qaldırılması üçün hər vilayətə texniki işçilərinin göndərildiyi qeyd edilən bəyanatda həmçinin, GPS sistemi qaldırılmayan cihazlara əl qoyulacağı və həmin qadağaya məhəl qoyulmayan şəxslərin ağır formada cəzalandırılacağı vurğulanıb.

ANN.Az