ANS PRESS-in məlumatına görə, iclasda iyulun 20-də Suruç rayonunda törədilmiş 32 nəfərin ölümü, 100-dən çox insanın yaralanması ilə nəticələnən terror aktı hökumətin əsas gündəmini təşkil edib.

Hökumət Suriyanın şimal hissəsində İŞİD qruplaşmasının hədələyici fəaliyyəti ilə əlaqədar tədbirlər planına dair müzakirələr aparıb.

İclasın sonunda baş nazirin müavini Bülənt Arınç çıxış edib. Dövlət rəsmisi bildirib ki, qruplaşmaya üzv olan silahlıların Suriya ilə sərhəd bölgələrdən Türkiyəyə keçidini əngəlləmək üçün bir sıra tədbirlər nəzərdə tutulur. Arınç Milli Təhlükəsizlik naziri və quru qoşunlarının komandiri tərəfindən tədbirlər planına dair təqdimatın baş tutduğunu deyib.

"İŞİD təhdidləri fonunda terrorçuların keçid nöqtələrini əngəlləmək əsas məsələdir. Bunun üçün fiziki qüvvə ilə müdaxilə etmək lazımdır. Sərhəddə fiziki təhlükəsizlik sistemi qurulacaq. Bu barədə daxil işlər naziri həm sərhəd təhlükəsizlik sisteminə dair, həm də ən son baş vermiş olaylar səbəbi ilə böhranlı bölgələrdə əlavə olaraq hansı tədbirlərin alınacağına dair açıqlama etdi". 

Arınç hadisə ilə əlaqədar ölkədə "niyə milli matəm elan olunmadı” sualına cavabında qeyd edib ki, hər gün bu cür hücumlarla əlaqədar milli matəm elan olunsa idi, o halda, milli matəm tədbirləri öz mahiyyətini və dəyərini itirərdi.