Özünü "İslam dövləti” (İŞİD) adlandıran ekstremist qruplaşma girov götürülmüş Peşmərgə (kürd hərbi birləşməsi) döyüşçülərinin şəhərin küçələri ilə qəfəsdə gəzdirilməsini əks etdirən yeni videoçarx yayıb.


Bu zaman ətrafdakılar girovları lağa qoyurlar.


Oxu.az The Daily Mail-ə istinadən xəbər verir ki, yaraqlılar 9 dəqiqəlik videoçarxda yer alan insanların kürd olduğunu iddia edirlər.


Girovlardan qısa müsahibə götürülür, sonra isə qəfəsdən çıxarıb diz çökdürürlər.


Video dəhşətli kadrlarla başa çatır – yaşlı girovun üzünə atəş açırlar, sonra isə ekran qaralır. Bu isə digər girovların da edam edildiyindən xəbər verir.