ANN.Az xarici ölkə mediasına istnadən xəbər verir ki, belə bir şəraitin yaradılması əslində İŞİD rəhbərliyinin bir siyasətidir və bu, əcnəbi əsgərləri terror təşkilatında saxlamaq məqsədi daşıyır. Kürdlərə bağlı "Yurddaş" qəzetində dərc olunan "Raqqa Is Being Slaughtered Silently" ("Raqqa səssiz qətlə yetirilir") adlı məqalədə qeyd olunur ki, "cinsi məharətlərini ən üst səviyyədə nümayiş etdirmək istəyən döyüşçülər maaşlarının böyük bir hissəsini "Viaqra" dərmanlarına xərcləyirlər, qısa zaman içərisində birdən çox qadınla evlənir, onları qeyri-normal münasibətlərə məcbur edirlər".
Qəzetin yazdığına görə, əsirlikdən qaçan qadınların demək olar hamısının bədənləri yara içərisində olur. Onları müayinə edən həkimlərin hesabatlarında qeyd olunur ki, qadınlar qeyri-normal cinsi münasibətə cəlb edilib, yaxud şiddətə məruz qalıb.
İŞİD döyüşçülərinin evlənməyə zorlandığı qızlar arasında 9 yaşlı uşaqlar da olub.
Ötən həftə İraqın Ərbil şəhərində təşkil olunan "İraqdakı yezidi və xristianlara qarşı tətbiq olunan etnik soyqırım" adlı tədbirdə əsirlikdən qaçan "Vaha" ləqəbli qadın başına gələnləri danışıb. O, bir İŞİD döyüşçüsünün əsiri olduğunu, döyülərək zorlandığını və başına pis oyunların açıldığını ifadə etmişdi.
Eyni zamanda Avropa Parlamentinin keçmiş deputatı Feleknaz Uca yezidi qadınların təcavüzə məruz qalamaması üçün kütləvi şəkildə intihar etdiyini, onların qayalıqdan özlərini aşağı atdığını, eyni zamanda bir yezidi atanın öz qızlarının əsir düşməməsi üçün onları öldürdüyünü və sonra isə özünün intihar etdiyini anlatmışdı.
ANN.Az
Bizi sosial şəbəkələrdə izləyin !
