İŞİD təşkilata qoşulmaq istəyənlər üçün əl kitabı hazırlayıb. ANN.Az xarici ölkə mediasına istinadən xəbər verir ki, internetdə yayımlanan bu kitab 50 səhifədən ibarətdir və Avropadan təşkilata qatılacaq adamlara nələri bilmələrindən bəhs edir.

"İslam dövlətinə HİCRƏT-2015" başlıqlı 50 səhifəlik əl kitabı ingiliscə hazırlanıb. Kitabın üz qapağında Şanlıurfa Aeroportu, Akçakala Sərhəd Qapısı və Raqqa şəhərini göstərən xəritə əks olunub. 

Kitabda Türkiyə üzərindən Suriyaya gələnlərə ailələri də daxil olmaqla səfərlərinin hara olması haqqında məlumat verməmələri tövsiyyə olunur. Hətta terrorşu təşkilata üzv olmaq istəyənlərə başa salırlar ki, inandırıcı olsun deyə, biletlərini tək gedişli deyil, gediş-gəlişli alsınlar. Eyni zamanda birbaşa Türkiyəyə deyil, qonşu ölkələrə gəlmələri, daha sonra dəniz, yaxud avtobusla Türkiyəyə keçmələri məsləhət görülür.

Əl kitabında İŞİD-ə qatılmaq istəyənlərin öz yanlarında nələrin götürülməsinin siyahısı verilib. Onlara təklif olunur ki, yanlarında çox balaca çamadan, yaxud əl çantası götürsünlər və onun içərisinə ancaq vacib olan ləvazimatları qoysunlar.

Kitabın tezliklə başqa dillərə də tərcümə olunub yayılacağı bildirilir.