ANN.Az "Qafqazinfo”ya istinadən xəbər verir ki, islamçı radikallıq problemilə mübarizə aparmağı da nəzərdə tutan qanun müsəlmanlara daha çox hüquqi təhlükəsizlik versə də, məscidlərin və imamların xaricdən maliyyələşməsini qadağan edir.

Avstriyanın İnteqrasiya Naziri Sebastian Kurz islahatları müdafiə edib. Amma müsəlman liderlər deyirlər ki, islahatlar onları bərabər tutmur.

1912-ci ildə yaradılmış qanun Avstiyada İslama rəsmi din statusunu vermişdi. Həmin qanuna Avropada İslamla bağlı nümunə kimi baxılıb.

İlk dəfə üç il öncə təklif olunan yeni ölçülərdə dini tətillərin qorunması və imamların təlimdən keçməsi qeyd olunur.

Amma müsəlman qruplar deyirlər ki, xarici maliyyə barədə qadağa ədalətsizdir, çünki Xristian və Yəhudi qruplara qarşı belə bir qadağa yoxdur.

Onların fikrincə, qanun müsəlmanlara qarşı inamsızlığın nümunəsidir. Bəzi qruplar konstitusiya məhkəməsində qanuna qarşı şikayət etməyi planlaşdırırlar.