İşləməyənlər üçün ünvanlı sosial yardım paketi əlçatan olmalıdır - Sevinc Hüseynova

Dağlıq bölgələrdə iş yerlərinin az olmasını nəzərə alıb onlar üçün sosial ünvanlı yardım xidmətlərini əlçatan etmək lazımdır. Bunu deputat Sevinc Hüseynova deyib. 

"Ünvanlı sosial yardımı işləyə bilməyən şəxslər ala bilmir. Dağlıq yerlərdə insanlara iş imkanları azdır. Nəticədə yardım ala bilmirlər. Və təqdim olunan sosial yardım paketindən kənarda qalırlar. Bizə müraciət edirlər ki, necə olur işləyən adamlar həm də sosial ünvanlı yardım ala bilir. Hesab edirəm bu incəliklər nəzərə alınmalıdır”, - deputat noyabrın 16-da  Milli Məclisin Əmək və sosial siyasət komitəsinin iclasında deyib.


Sevinc Hüsenova təklif edib ki, Əmək və Əhalinin Sosial Müdafiəsi Nazirliyi regionaların iş imkanlarını nəzərə almaqla İqtisadiyyat Nazirliyi ilə birgə layihələr hazırlaya bilər. 


Gülnar Nazimqızı 
www.anews.az