İsrail kəşfiyyatı HƏMAS liderini WhatsApp* vasitəsilə izləyib
01.08.2024 10:09
İsrail kəşfiyyatı HƏMAS lideri İsmayıl Haniyəni WhatsApp* vasitəsilə izləyib. Bu barədə livanlı jurnalist Elia Manier xəbər verib.
Onun sözlərinə görə, İsrail kəşfiyyatı WhatsApp proqramı vasitəsilə Haniyyənin telefonuna casus proqramlar quraşdırıb. Bu proqram HƏMAS liderinin yerləşdiyi evin dəqiq yerini müəyyən etməyə və ona pilotsuz təyyarədən raket zərbəsi endirməyə imkan verib.
Manier iddia edir ki, proqram smartfonları sındırmaq üçün istifadə edilən və İsrailin NSO Group şirkəti tərəfindən lisenziya əsasında hazırlanıb satılan Pegasus virusuna bənzəyir.
HƏMAS lideri İsmayıl Haniyə Tehranda öldürülüb. Ərəb mətbuatının məlumatına görə, Haniyə və mühafizəçisi İsrailin hava qüvvələrinin Tehrandakı iqamətgahlardan birinə gecə saat 2 radələrində hücumu nəticəsində həlak olub.
Son illərdə Haniyə Qətər və Türkiyədə yaşayıb. Qətl ərəfəsində qrupun nümayəndəsi Pezeşkiyanın andiçmə mərasimində iştirak edib.
N.Təbrizli
www.anews.az
Foto 
Video 
