İsrail prezidenti İsaak Hersoq X sosial şəbəkəsində Beynəlxalq Cinayət Məhkəməsinin (ICC) İsrailin baş naziri Binyamin Netanyahu və keçmiş müdafiə naziri Yoav Qalantın həbsinə order verilməsi barədə qərarını şərh edib.
"Bu, ədalət üçün qara gündür. Bəşəriyyət üçün qara gün. BCM-nin vicdansız və hədsiz qərarı ümumbəşəri ədaləti ictimai zarafatya çevirdi”, - Hersoq yazıb.
Onun sözlərinə görə, BCM demokratiya və azadlıq əvəzinə şər tərəfini seçib və ədalət sistemini Fələstin HƏMAS hərəkatının cinayətləri üçün canlı qalxana çevirib.
Cümə axşamı Beynəlxalq Cinayət Məhkəməsi Qəzza zolağında münaqişə ilə bağlı Netanyahu və Qalanta qarşı order verib.
Söhbət "ən azı 2023-cü il oktyabrın 8-dən 2024-cü il mayın 20-dək törədilmiş insanlığa qarşı cinayətlərdən və hərbi cinayətlərdən” gedir.
Bundan əlavə, məhkəmə BCM-nin yurisdiksiyasına etiraz etməyə çalışan İsrailin arqumentlərini rədd edib.
Aytac
www.anews.az
Bizi sosial şəbəkələrdə izləyin !
