İstanbulda polis şöbəsinə hücum olub, 2 ölü, 1 yaralı - FOTOLAR

23:01 | 06.01.2015
Türkiyənin İstanbul şəhərindəki Sultanahmet meydanında güclü partlayış baş verib.
 
ANN.Az "Report"a istinadən xəbər verir ki, hadisə nəticəsində iki polis yaralanıb. Eyni zamanda hücumu reallaşdıran qadın kamikadze ölüb. Polislərdən birinin ağır xəsarət aldığı və xəstəxanaya qaldırıldığı bildirilib. Həkimlərin səylərinə baxmayaraq onu xilas etmək mümkün olmayıb.

Məlumata görə, terrorçu-kamikadze özünü Sultanahmetdəki polis şöbəsinə girməyə cəhd göstərsə də, ancaq polislər buna imkan verməyib və bombanı şöbənin qarşısındakı postun yanında partladıb. İstanbul valisi Vasip Şahin hadisə ilə bağlı jurnalistlərə açıqlamasında bildirib ki, qadın kamikadze polis şöbəsinə ingilis dilində danışaraq pulqabısını itirdiyi bəhanəsi ilə daxil olub və özünü partladıb: "Kenan Kumaş adlı polis məmuru ağır yaralıdır və xəstəxanadadır. Digər polis əməkdaşı isə yüngül yaralanıb. Hazırda ölən kamikadzenin şəxsiyyəti müəyyənləşdirilir". 

ANN.Az
 




Tərəfdaşların xəbərləri

REKLAM